Хураангуй:
Мэдээллийн XXI дүгээр зуунд эрчээ аван хөгжиж буй хиймэл оюун ухаан(Artificial intelligence) нь өдгөө маш олон салбарт амжилттай нэвтрэн хүний өдөр тутмын амьдрал болон ажил үүргийг хөнгөвчилж маш олон талаараа хувь нэмрээ оруулж байгаа билээ. Дэлхийн өндөр хөгжилтэй улс орнууд хиймэл оюун ухааныг бүхий л салбарт нэвтрүүлсэн байдаг ба эрх зүйн салбарт хууль зүйн зөвлөгөө өгөх, ухаалаг шүүх буюу бүртгэл хийх нотлох баримт солилцох, гэрээнд дүн шинжилгээ хийх, шүүхийн шийдвэр гаргахад туслах зорилгоор нэвтрүүлсэн байдаг. Үүнээс авч үзвэл хиймэл оюун ухааныг тал бүрээс ашиглах боломжтой байна. Хиймэл оюун ухаан нь өөрөө маш олон төрлийн үйлдлийг богино хугацаанд гүйцэтгэх чадвартай бөгөөд бие даан суралцах, их өгөгдөлд дүн шинжилгээ хийх түүнчлэн хэл ойлгох, дуу дүрсийг таньж боловсруулах нь хиймэл оюун ухааны том давуу тал юм. Эдгээр давуу талыг ашиглан хүмүүс бидний өдөр тутамд хийдэг гэрээ хэлцлийг хялбарчилсан байдлаар буюу хиймэл оюун ухаанаар боловсруулж, талуудын мэдээллийг гэрээнд тусгах мөн тусгайлан оруулах хүсэлтэй нөхцөл, шаардлагыг тусгах гэх мэтчилэн хүсэл зоригоо бүрэн илэрхийлэн хийсэн гэрээг Монгол Улсын үндсэн хууль, Иргэний хууль, бусад хуульд нийцсэн эсэхийг судлах, гэрээ байгуулахад хиймэл оюун ухаан хэрхэн оролцох, гэрээний нөхцөлийг хиймэл оюун ухаан ашиглан шалгаж, илэрсэн алдааг зассан тохиолдолд хуульд нийцэж байгаа эсэх, хиймэл оюун ухааны гаргасан алдааг хэн хэрхэн хариуцлага хүлээх, хиймэл оюун ухаанаар хийгдсэн гэрээ алдаатай тохиолдолд хүчин төгөлдөр бус болох эсэх, Монгол Улсад хиймэл оюун ухааныг ашиглан гэрээ хэлцэл хийх, хэрэгжүүлэх боломж болон олон улсад хэрхэн ашиглаж буй талаар судална.
