Интернет банкны хэрэглээг нэмэгдүүлэх зарим арга замууд

Abstract

Өнөө үед интернет нь хүн бүхний хэрэглээ болсон бөгөөд энэ талаар “Ирээдүйд интернет алга болно... Яагаад гэвэл интернет нь таны амьдралын салшгүй нэг хэсэг болох учраас мэдрэгдэхээ ч болино” (Schmidt, 2015) гэж үзсэн нь ирээдүйн чиг хандлагыг харуулж байна.Банкны салбарын хувьд интернет банк болон интернет худалдааны хөгжил нь харьцангуй шинэ технологи бөгөөд дэлхий даяар 1990-д оны сүүлээр хэвшиж эхэлсэн байна. Мэдээллийн технологийн системийн үсрэнгүй хөгжлийн тусламжтайгаар банкны салбар ялангуяа төлбөр тооцооны систем улам боловсронгуй болсоор байна. Дижитал интернет ашигладаг төхөөрөмжүүд бол WWW-гийн хөгжлийн дараагийн үе шат юм. Ухаалаг утас, таблет, PC, цахим ном уншдаг хүмүүс нь бүтээгдэхүүнийг худалдан авах зарах арга замыг өөрчлөөд зогсохгүй, түүнчлэн санхүүгийн үйлчилгээ болох мобайл болон интернет төлбөр тооцооны системийг тун удахгүй үндсээр нь өөрчлөх болно. Мобайл болон интернет төлбөр тооцооны үйлчилгээ нь компанид төлбөр тооцооны системд өсөх хамгийн том боломж юм. Тун удахгүй GOOGLE, APPLE банкууд гарч ирж магадгүй юм (Deutschebank, 2012).

Манай орны хувьд 2015 оны байдлаар арилжааны 13 банкнаас 11 нь интернет банкны үйл ажиллагаа эрхэлж байна. Арилжааны банкууд хэрвээ үйл ажиллагаандаа интернет банкийг нэвтрүүлэхгүй бол харилцагчаа ирээдүйд алдах магадлал ихсэх бөгөөд энэ ч утгаараа арилжааны банкуудын бизнес төлөвлөгөөнд “Интернет банк” гэсэн хэсэгзаавал байх болжээ.

Интернет банк нь бусад сэдвүүдийг бодвол харьцангуй шинэлэг сэдэв юм. ТухайлбалМайкрософтАкадемик судалгааны сангаас “Internet banking” гэсэн сэдвээр хайхад тус санд 1996 оноос өнөөдрийн хүртэлх хугацаанд 770 ширхэг судалгааны ажил бүртгэлтэй байгаа бөгөөд 4201 удаа ишлэлээр татагдсан байна.