Хураангуй:
Энэхүү судалгаагаар Монгол Улсын төсвийн хөрөнгө оруулалтыг эдийн засгийн
хамгийн өндөр үр өгөөжтэй салбаруудад чиглүүлэх боломжийг тодорхойлов.
Судалгаанд Монгол Улсын 2024 оны салбар хоорондын тэнцлийн хүснэгтийг ашиглан
буцах болон урагшлах холбоо, үйлдвэрлэлийн үржүүлэгч, орлогын үржүүлэгч, ажил
эрхлэлтийн үржүүлэгчийн шинжилгээг хийв. Шинжилгээний үр дүнгээр цахилгаан, хий,
уур, агааржуулалтын салбар нь буцах болон урагшлах холбоогоор хамгийн өндөр
үзүүлэлттэй гарч эдийн засгийн түлхүүр салбар болох нь тогтоогдсон. Мөн
боловсруулах үйлдвэрлэлийн салбар нь үйлдвэрлэл, орлого, ажил эрхлэлтийн үр
нөлөөгөөр өндөр үнэлгээ авч, эдийн засгийн төрөлжилтийг дэмжих боломжтой нь
харагдсан. Харин үл хөдлөх хөрөнгийн үйл ажиллагааны салбар нь орлого болон ажил
эрхлэлтийн үржүүлэгчийн хамгийн өндөр үзүүлэлттэй байв. Судалгааны үр дүнгээс
үзэхэд улсын төсвийн хөрөнгө оруулалтын тэргүүлэх чиглэлийг хэрэгжүүлэхээр зорьж
буй бодлогын зорилтоос хамааран тодорхойлох нь чухал болохыг дүгнэлээ.
