Хураангуй:
Энэхүү дипломын ажил нь уламжлалт зан үйлийг аяллын бүтээгдэхүүн болгон
хөгжүүлэх боломжийг Монгол хуримын жишээн дээр судлах зорилготой. Судалгаанд
уламжлалт зан үйлийн мөн чанар, соёлын дархлаанд гүйцэтгэх үүрэг, аялал жуулчлалын бүтээгдэхүүн болгох онолын үндэс, Монгол хуримын ёслолын бүтэц, зах зээлийн боломж, хөтөлбөр боловсруулах арга замыг авч үзэв.
Судалгааны үр дүнд Монгол хурим нь зочдын сонирхлыг татах өндөр соёлын үнэ
цэнтэй, танин мэдэхүйн болон туршлагын аяллын бүтээгдэхүүн болгон хөгжих
боломжтой нь тогтоогдлоо. Гэвч үүнийг хэрэгжүүлэхэд жинхэнэ ёслолын утга агуулгыг алдагдуулахгүй байх, оролцогч талуудын эрх ашиг, орон нутгийн оролцоо, жуулчны хүлээлт, ёс зүйн асуудлыг оновчтой зохицуулах шаардлагатай байна.
