Хураангуй:
Энэхүү дипломын ажил нь шүдний гажиг заслын эмнэлгийн үйл ажиллагааг
дэмжих CRM системийн цаг захиалгын модулийн шинжилгээ, зохиомжийг
боловсруулахад чиглэсэн болно. Судалгааны явцад эмнэлгийн үйл ажиллагаанд
ашиглагдаж буй одоогийн арга барилыг судалж үзэхэд цаг захиалга, үйлчлүүлэгчийн
ирцийн бүртгэл нь ихэвчлэн гар ажиллагаанд тулгуурлаж байгаа нь үйлчилгээний үр
ашиг, цагийн зохион байгуулалтад хүндрэл учруулж байгааг илрүүлэв. Эдгээр асуудлыг
шийдвэрлэх зорилгоор функциональ болон функциональ бус шаардлагыг тодорхойлж,
системийн ерөнхий бүтэц, хэрэглэгчийн интерфэйсийн зохиомжийг боловсруулсан. Тус
систем нь үйлчлүүлэгчдэд цаг захиалах, цуцлах, сануулах мэдэгдэл хүлээн авах,
эмчилгээний түүх, төлбөрийн мэдээллээ хянах, зөвлөгөө авах боломжийг олгох бол
эмнэлгийн зүгээс үйлчлүүлэгчийн ирц, цагийн хуваарь, үйлчилгээний явц, санхүүгийн
мэдээллийг нэгтгэн удирдах боломжийг бүрдүүлнэ. Судалгааны үр дүнд боловсруулсан
загвар нь эмнэлгийн үйл ажиллагааг автоматжуулах, удирдлагын шийдвэр гаргалтыг
дэмжих, улмаар үйлчлүүлэгчдэд илүү хүртээмжтэй үйлчилгээ үзүүлэх ач холбогдолтой
гэж үзэв.
