Хураангуй:
Орчин үеийн байгууллагын үйл ажиллагаа мэдээллийн технологийн дэд
бүтэц, программ хангамж, өгөгдөл, хэрэглэгчийн эрх зэрэг олон төрлийн
мэдээллийн технологийн (МТ) хөрөнгөнд тулгуурлан явагддаг. Эдгээр хөрөнгийн
бүртгэл, удирдлага, эрсдэлийн үнэлгээ нь байгууллагын мэдээллийн аюулгүй
байдал, тасралтгүй ажиллагаа, удирдлагын шийдвэр гаргалтад чухал үүрэгтэй
боловч практикт ихэнх байгууллагад гар ажиллагаанд суурилсан, салангид
байдлаар хэрэгжиж байна.
Энэхүү дипломын ажлын зорилго нь мэдээллийн технологийн хөрөнгийн
бүртгэлд суурилсан эрсдэлийн удирдлагын нэгдсэн системийн системийн
шинжилгээ, загварчлал, зохиомжийг боловсруулах явдал юм. Судалгааны хүрээнд
МТ хөрөнгийн удирдлага, эрсдэлийн удирдлагын онолын үндсийг судалж,
одоогийн As-Is процессыг шинжилснээр өгөгдлийн уялдаа сул, гар ажиллагаа
давамгайлсан, бодит цагийн хяналт дутмаг байгааг тодорхойлсон.
Системийн шинжилгээний хүрээнд хэрэглэгчийн үүрэг, эрхийн тодорхойлолт,
функциональ болон функциональ бус шаардлагыг тодорхойлж, use case, процесс
диаграммуудыг боловсруулсан. Мөн одоогийн болон зорилтот (To-Be) процессийг
харьцуулан шинжилж, системд суурилсан автоматжуулалтаар дамжуулан МТ
хөрөнгийн бүртгэл, эрсдэлийн үнэлгээ, хариу арга хэмжээ, тайлагналыг нэгтгэх
боломжийг загварчилсан.
Судалгааны үр дүнд санал болгож буй To-Be системийн загвар нь МТ
хөрөнгийн нэгдсэн мэдээллийн сан, эрсдэлийн автомат үнэлгээ, хяналт-шинжилгээ,
тайлагналын нэгдсэн орчинг бүрдүүлж, байгууллагын эрсдэлийн удирдлагын үр
ашгийг дээшлүүлэх боломжтой болохыг харууллаа
