Хураангуй:
Монгол Улсад хөрөнгөөр баталгаажсан үнэт цаасны эрх зүйн зохицуулалтын онол, практикийг илүү нарийвчлан судалж, ипотекийн зээлээр баталгаажсан бондын хоёрдогч зах зээлийн хэрэгжилт, оролцогчдын эрх, үүрэг, хөрөнгө оруулагчийн эрсдэлийн хамгаалалтыг АНУ-ын туршлагатай харьцуулан шинжилсэн. Монгол улсын зах зээлийн хөгжил нь МИК ОССК ХХК болон төрийн бодлого, санхүүжилттэй өндөр уялдаатай мөн баталгаа, ил тод тайлагнал, даатгалын хамрагдалт зэрэг хэрэгжилт практикт жигд бус байгааг онцлов. Үр дүнд нь ХБҮЦ-д төрөөс баталгаа гаргах эрх зүйн зохицуулалтыг хамрах хүрээ, идэвхжих нөхцөл, гүйцэтгэлийн журам, эх үүсвэр зэргийг нарийвчлах, мөн “МИК ОССК” ХХК-ийн институтийн зорилго, чиг үүргийг эрх зүйн түвшинд тодорхой болгох саналыг дэвшүүлэв.
