Хураангуй:
Монгол Улсын хөдөлмөрийн харилцааны хүрээнд хөлсөөр ажиллах
гэрээний нийгмийн даатгалын асуудал нь орчин үеийн эдийн засаг, нийгмийн өөрчлөлттэй холбоотойгоор чухал ач холбогдолтой байна. Герман, Японы жишээг сонгосон нь эдгээр улсуудын нийгмийн даатгалын тогтолцоо нь өндөр хөгжилтэй, тогтвортой, хөдөлмөр эрхлэгчдийн эрхийг хамгаалахад чиглэсэн туршлага арвин харицуулсан судалгаа хийхэд тун тохиромжтой гэж үзсэн юм. Монгол Улсад нийгмийн даатгалын хамрах хүрээ, ялангуяа малчид, албан бус ажил эрхлэгчдийн хувьд нийгмийн даатгалын талаар мэдлэг, мэдээлэл дутагдалтай мөн нийгмийн даатгал төлөхийн утга учир үнэ цэнийн талаар төдийлөн сайн ойлголт байхгүй байгаа тул эдгээр улсын загварыг харьцуулан судлах нь Монголын хөдөлмөрийн хууль тогтоомжийг боловсронгуй болгоход дэмжлэг үзүүлэхийн зэрэгцээ нийгмийн даатгалын ойлголтыг ард түмэнд эерэг хандлага үүсгэхэд чиглэнэ. Дедуктив болон харьцуулалтын арга ашиглан тус судалгааны ажлыг бичсэн бөгөөд уг судалгааны ажил нь хөлсөөр ажиллах гэрээнээс хамааран үүсч буй нийгмийн даатгалын тулгамдсан асуудлыг судлах харьцуулсан судалгааны ажил юм.
