Хураангуй:
Энэхүү судалгааны ажлын хүрээнд Монгол Улсад үйл ажиллагаа явуулж буй уул
уурхайн олборлогч компаниудын хувьд хамгийн түгээмэл тохиолддог эрсдэлүүдийг
тодорхойлох, тэдгээр эрсдэлийг бууруулах арга замыг боловсруулах, мөн эрсдэлийн
удирдлагын тогтолцоо хэрхэн хэрэгжиж байгааг үнэлэхэд оршино. Судалгаанд олон улсын
түвшинд хүлээн зөвшөөрөгдсөн стандартууд болон тэдгээрт нийцсэн эрсдэлийн
удирдлагын аргачлалуудыг ашиглан байгууллагын эрсдэлийн соёл, удирдлагын түвшин,
эрсдэлийг хүлээн зөвшөөрөх, урьдчилан сэргийлэх, бууруулах, шилжүүлэх зэрэг
хандлагуудыг үнэлнэ.
Судалгааны арга зүйн хувьд уул уурхайн олборлогч компаниудын удирдах албан
тушаалтнуудтай хийсэн ярилцлага, ажилтнуудаас авсан асуулгын дүн шинжилгээнд
тулгуурласан бөгөөд энэ нь салбарын бодит нөхцөл байдалд суурилсан оновчтой үнэлгээ,
дүгнэлт, зөвлөмж боловсруулахад чиглэгдэнэ. Судалгааны үр дүн нь уул уурхайн
компаниудад эрсдэлийн удирдлагын тогтолцоог сайжруулах, олон улсын жишигт
нийцүүлэхэд дэмжлэг болох практик ач холбогдолтой юм.
