Хураангуй:
Хөрөнгийн төрлүүдийг авч үзвэл үл хөдлөх хөрөнгө нь эд зүйл буюу биет хөрөнгө гэсэн материаллаг байдаг ба газар түүнээс салгамагц зориулалтын дагуу ашиглаж үл болох эд юмс үл хөдлөх хөрөнгөд хамаардаг.
Үл хөдлөх хөрөнгө нь хүний амьдралын гол хэрэгцээ болох оршин суух, аж төрөх боломжийг бий болгодгоороо бусад эд баялагтай харьцуулбал хамгийн их ашиг тустай бизнесийн салбарт тооцогддог. Үл хөдлөх хөрөнгийн салбар нь үл хөдлөх хөрөнгийн хөгжил, бүтээн байгуулалт, менежмент, санхүүжилтийг хамардаг тул эдийн засагт чухал үүрэг гүйцэтгэдэг.
Үл хөдлөх хөрөнгө хүний хэрэгцээг хангах чадвар, түүний ашигт байдал, хэрэглээний чанар нь түүний үнэ цэнийг тодорхойлж байдаг. Гэхдээ ашигт байдал, хэрэгцээг хангах чадвар нь тухайн цаг үеийн хөгжил дэвшил, шинэчлэл нийгмийн сэтгэхүйгээс хамааран хувьсан өөрчлөгдөж байдаг ойлголт тул энэ байдлыг дагаад үл хөдлөх хөрөнгийн үнэ цэнэ, эдийн засгийн ойлголтууд өнөөг хүртэл хувьсан өөрчлөгдсөөр байгаа билээ.
