Хөрөнгө оруулалтын сангийн хөрөнгө оруулалтын оновчтой багц бүрдүүлэх судалгаа

Abstract

Монголын хөрөнгийн биржийн 2024 оны арилжааны дүн 2.56 их наяд төгрөгт хүрч, ХОС-уудын нийт хөрөнгө 638 тэрбум төгрөг болсон хэдий ч сангуудын хөрөнгө хуваарилалт нь төрөлжилт муутай, оновчтой бус байдалтай хэвээр байна. Хөрөнгийн зах зээл дээр хувьцааны үнэ, өгөөжийн хэлбэлзэл өндөр, ил тод байдал хязгаарлагдмал, хөрвөх чадвар сул зэрэг хүчин зүйлс нь хөрөнгө оруулагчийн шийдвэр гаргалтад эрсдэл нэмэгдүүлж байна. Тиймээс Монголын хөрөнгийн зах зээлд үйл ажиллагаа явуулж буй хөрөнгө оруулалтын сангуудын хувьд өгөөж болон эрсдэлийг оновчтой хослуулсан онолын суурьтай, тоон мэдээлэлд үндэслэсэн багц бүрдүүлэлтийн загвар ашигласнаар эрсдэлийг бууруулж, өгөөжийг нэмэгдүүлэх боломжтой учир энэхүү сэдвийг сонгон авах шалтгаан болж байгаа юм. Судалгаанд Монголын хөрөнгийн биржийн А индексэд багтсан 23 компанийн 2019–2023 оны өдөр тутмын ханшийн өгөгдөл, макро эдийн засгийн үзүүлэлтүүд болон биржийн бус үнэт цаасны мэдээллийг ашиглан онолын суурьтай загварууд болох Марковиц, Блэк-Литтерман зэрэг багцын оновчлолын загваруудыг харьцуулан судалсан. Иймд энэхүү судалгаа нь онолын загварыг практикт тохируулан хэрэглэж, ХОС-уудын гүйцэтгэлийг сайжруулах, хөрөнгийн зах зээлд суурилсан мэргэжлийн багц удирдлагын орчныг бүрдүүлэхэд хувь нэмэр оруулах юм.