Хураангуй:
Эрүүгийн эрх зүйн гол зорилго нь хүний эрх эрх чөлөөг хамгаалж, зөрчигдсөн эрхийг сэргээх замаар нийгэмд шударга ёсыг тогтоох явдал юм. Гэвч Монгол улсын эрүүгийн хуульд зарим зохицуулалт, тухайлбал гэмт хэргийн хөөн хэлэлцэх хугацааны талаар эрх зүйн тодорхой бус байдал, онол практикийн зөрчил байсаар байна. Хөөн хэлэлцэх хугацаа нь эрүүгийн эрх зүйн тогтолцооны чухал бүрэлдэхүүн боловч түүнийг тоолох зарчим хэрэглэх нөхцөл нь хуульд бүрэн тодорхойгүй байгаа нь шүүхийн практикт хүндрэл учруулж, гэмт этгээд ял завших, хохирогч эрхээ эдлэх боломжгүй болох сөрөг үр дагавар дагуулж байна. Энэхүү судалгаа нь хөөн хэлэлцэх хугацааны онолын үндэслэл, Монголын эрх зүйн зохицуулалтын хэрэгжилт, практикт үүсэж буй хүндрэлүүдийг судалж, олон улсын эрх зүйн туршлага дээр үндэслэн зохицуулалтыг сайжруулах шийдлийг боловсруулах зорилгтой юм
