Хураангуй:
Энэхүү дипломын ажлаар “Талын салхи” олон улсын мотофестивалийн өнөөгийн байдал, хөгжлийн боломжийг судалж, гадаад оролцогчдын сэтгэл ханамж, зохион байгуулагчдын байр суурь болон ижил төстэй олон улсын фестивалиудтай харьцуулан шинжилсэн. Судалгааны үр дүнд тулгуурлан фестивалийн зохион байгуулалтын түвшинг сайжруулах, гадаад жуулчдыг татах, олон улсын зах зээлд өрсөлдөхүйц эвент болгон хөгжүүлэх боломжийг тодорхойлсон. Судалгаанд чанарын болон тоон аргачлал ашиглаж, оролцогчдын туршлага, үйлчилгээний чанар, мэдээллийн хүртээмж зэрэг хүчин зүйлсийг нарийвчлан судалсан. Энэхүү ажил нь аялал жуулчлалын салбар дахь эвентийн эдийн засгийн нөлөө, хөгжилд оруулах хувь нэмэр, бодит боломжийг илрүүлснээр практик ач холбогдолтой юм.
