Хураангуй:
Сүүлийн жилүүдэд банкны салбарт дижитал технологи эрчимтэй нэвтэрч, цахим зээлийн гэрээ өргөнөөр ашиглагдах болсон. Гэвч цахим орчинд байгуулагдаж буй зээлийн гэрээ нь уламжлалт гэрээнээс ялгаатай онцлогтой тул хууль зүйн хүрээнд тусгай зохицуулалт шаарддаг. Монгол Улсад цахим хэлбэрээр гэрээ байгуулах эрх зүйн үндэс бүрдсэн ч хэрэгжилт, баталгаажуулалт, шүүхийн практик дээр тодорхойгүй байдал, зөрчил гарсаар байна. Энэхүү судалгааны ажлын хүрээнд цахим зээлийн гэрээний эрх зүйн орчныг онол, практикийн үүднээс судалж, тулгамдаж буй асуудлыг тодорхойлон дүгнэлт, шийдлийн санал боловсруулсан болно.
Судалгаанд ажиглалт, баримт бичгийн шинжилгээ, харьцуулалт, тоон ба чанарын аргуудыг ашигласан. Судалгааны явцад Монгол улсын банкны цахим зээлийн гэрээний эрх зохицуулалтыг судалж, банкны цахим зээлийн гэрээтэй холбоотой шүүхийн шийдвэрт дүн шинжилгээ хийсэн ба олон улсын туршлагыг харьцуулан судалсан. Эстони, АНУ, БНХАУ-ын жишээнээс харвал Монголд эрх зүйн орчныг боловсронгуй болгож, цахим гэрээний найдвартай, аюулгүй байдлыг хангах зайлшгүй шаардлагатай байна.
