Хураангуй:
Энэхүү дипломын ажил нь Монгол улсын нээлттэй хувьцаат компани өөрийн гаргасан хувьцаагаа хуваах эрх зүйн зохицуулалт, хөрөнгийн зах зээл дээрхи тулгамдаж буй асуудлыг судалж, шийдвэрлэх арга замыг тодорхойлоход чиглэгдсэн болно. Одоогоор МХБ-д бүртгэлтэй компаниудаас нийт 13 хувьцаат компани хувьцаагаа хуваасан түүхтэй бөгөөд цаашдаа ч хувьцаа хуваах компанийн шийдвэр гарах боломжтой юм.
Дипломны ажлын эхний хэсэгт хувьцаа болон хувьцаа хуваалтын ойлголт, түүний давуу болон сул тал, урт болон богино хугацааны нөлөөлөл, мөн МХБ бүртгэлтэй компаниудын хувьцаагаа хуваасан мэдээлэлүүд дээр дүн шинжилгээ хийж дүгнэлт хийх замаар онолын хэсгийг бүрдүүлсэн болно. Харин судалгааны хэсэгтээ Монгол улсын эрх зүйн зохицуулалтыг Япон болон АНУ улсын эрх зүйн зохицуулалттай харьцуулах байдлаар манай улсад дутагдалтай байгаа зарим эрх зүйн асуудлыг илрүүлэх, түүнийг хэрхэн шийдвэрдэх санал боловсрууллаа. Энэхүү сэдвээр Монгол улсад эдийн засгийн болон эрх зүйн чиглэлийн судалгаа одоогоор байхгүй бөгөөд анхдагч судалгаа гэдгээрээ давуу талтай юм.
