Хураангуй:
"Писто" компани нь Монгол Улсын зах зээлд анх удаа "Палетас" төрлийн зайрмаг үйлдвэрлэж, 2021 оноос хойш үйл ажиллагаагаа явуулж байна. Одоогоор компанийн зах зээлийн эзлэх хувь 3-4% байгаа бөгөөд үйлдвэрлэлийн хүчин чадлыг бүрэн ашиглах, маркетингийн оновчтой шийдвэрүүдийг хэрэгжүүлснээр 2025 онд зах зээлийн 10 гаруй хувийг эзлэх зорилт тавьж байна. Монгол Улсын зайрмагийн зах зээлийн хэмжээ жилд 10-12 тэрбум төгрөг, 4-4.8 сая ширхэг зайрмагтай тэнцэж байгаа нь "Писто" компанийн өсөн нэмэгдэх боломжийг харуулж байна.
Энэхүү дипломын ажлыг бичих болсон гол шалтгаан нь компанийн борлуулалтын сувгуудыг өргөжүүлэх, хэрэглэгчдийн сегментэд чиглэсэн стратеги боловсруулах, зах зээлийн орчныг нарийвчлан шинжилж оновчтой шийдвэр гаргах шаардлагатайд оршиж байна. Судалгааны явцад макро, микро орчны шинжилгээ хийж, зах зээлийн боломж болон эрсдэлийг тодорхойлсон. SWOT болон TOWS шинжилгээнд үндэслэн сегментчлэл, байршуулах стратеги, үнийн болон бүтээгдэхүүний шийдвэр гаргалтыг тусгасан төлөвлөгөө боловсруулсан.
Маркетингийн төлөвлөгөөний хүрээнд идэвхжүүлэлтийн календарчилсан төлөвлөгөө гаргаж, төсөв тооцон, хэрэглэгчдийн сэтгэл ханамж болон брэндийн танигдалтыг нэмэгдүүлэх стратеги тодорхойлсон нь борлуулалтыг 2 дахин өсгөх, зах зээлд эзлэх хувийг 10-12%-д хүргэх боломжийг бүрдүүлэх юм.
