Хураангуй:
Өнөөгийн технологийн дэвшил нь бага хэмжээний хөрөнгөтэй байсан ч хувь хүмүүст 10 ам долларын данстай ч байсан санхүүгийн зах зээлд хөрөнгө оруулах боломжийг олгож байна.
Мөн техник шинжилгээг түлхүү ашиглаж байгааг харуулсан шинэ судалгаа, шинжилгээнүүд сүүлийн үед ихээр гарч байна. Жишээ нь судалгаануудын нэг болох (Smidt, 1965) АНУ-ын түүхий эдийн фьючерсийн зах зээлд хөрөнгө оруулагчдын дийлэнх нь (80%) техник шинжилгээг ашигладаг болохыг тогтоожээ. (Yu-HonLui & DavidMole, 1998) нар судалгаанд хамрагдсан гадаад валютын хөрөнгө оруулагчдын 85 гаруй хувь нь техник дүн шинжилгээг ихэнх нь ашигладаг болохыг нотолсон бол (FrankelJeffrey & FrootKenneth, 1990) нар хөрөнгө оруулалтын шинжээчид санхүүгийн зах зээлийг урьдчилан таамаглах техник шинжилгээг бүрэн багтаасан гэж онцолсон билээ. Эдгээр нотлох баримтууд нь сүүлийн хэдэн арван жилийн хугацаанд техник шинжилгээний хэрэглээ практикт аажмаар хөгжиж эхэлснийг харуулж байна.
Мөн үеийн үед хөрөнгө оруулагчдын хооронд суурь болон техник шинжилгээний аль нь илүү ашиг олох талаар маргаан байсаар ирсэн ба зах зээл дээрх ирээдүйн ханшийн хөдөлгөөнийг судлах, урьдчилан таамаглах арга замаар ялгаатай эдгээр хоёр аргын хооронд зөвшилцөл өдийг хүртэл байдаггүй.
Энэхүү дипломын ажлаараа суурь шинжилгээний аливаа зарчмыг үгүйсгэхгүйгээр гол анхаарлаа зөвхөн техник шинжилгээний аргачлалд хандуулсан. Цаашлаад сонгож авсан Форекс, Крипто болон Хувьцаа гэх 3 үндсэн зах зээлийн төрлүүд дээр техник шинжилгээний аргачлалууд болон индикаторуудыг ашиглан эдгээрийн алин дээр илүү ашиглахад тохиромжтой ба өгөөж өгөх боломжтой байгааг судалсан.
