Хөрөнгө оруулалтын менежментийн компанийн үл хөдлөх хөрөнгийн салбарт хөрөнгө оруулах боломж, арга зам

Abstract

Манай улсад хөрөнгө оруулалтын компани гэх ойлголт харьцангуй сүүлд бий болсон бөгөөд хөрөнгө оруулалтын компанийн түүх гэвэл сүүлийн арав гаруй жилийг хамруулж үздэг. Нөгөөтээгүүр манай улсад сүүлийн хэдэн жилд үл хөдлөх хөрөнгийн салбар асар хурдацтай өсөж байна. Үүнийгээ дагаад уг төслүүдэд эх үүсвэрээ бий болгох хөрөнгө оруулалтын шинэлэг боломжууд хэрэгтэй байна. Тиймээс уг хоёр асуудлыг нэгтгэн шийдэх арга зам нь хөрөнгө оруулалтын сангуудын үл хөдлөх хөрөнгөд хөрөнгө оруулах хувь хэмжээг нэмэгдүүлэх юм. ХОМК-иуд нь одоогоор хувьцаа санхүүгийн зах зээлд хөрөнгө оруулалтыг голчлон хийж байгаа. Хуулийн хүрээнд ХОМК, хаалттай хөрөнгө оруулалтын сангууд нь үл хөдлөх хөрөнгөд хөрөнгө оруулах боломжтой байдаг. Хэдийгээр үл хөдлөх хөрөнгийн зах зээлд хөрөнгө оруулах нь хувьцаа, бондод хөрөнгө оруулахоос зардал өндөртэй, үр өгөөж багатай, эрсдэл өндөр мөн хөрвөх чадварыг бууруулдаг ч урт хугацаандаа энэ салбарт хөрөнгө оруулах нь ашигтай юм. Иймд миний хувьд дипломын ажлын хүрээнд Монгол улсад хөрөнгө оруулалтын сангийн хэлбэрээр үйл ажиллагаа явуулж буй компаниуд яагаад үл хөдлөх хөрөнгийн төсөлд хөрөнгө оруулахоос зайлсхийж байгааг судалж, уг асуудлыг шийдэх ямар арга зам байгаа олж тогтоох, олон улсын жишиг хэрхэн уг хөрөнгө оруулалтын амжилттай хийж байгаа мөн эрх зүйн зохицуулалтын хувьд таатай орчин бүрдсэн эсэх, хэрхэн бүрдүүлэх боломжтойг судалсан юм.