Хураангуй:
Хөрөнгө оруулалтын үйл ажиллагаа нь аливаа улс орны эдийн засгийн хөгжлийн хамгийн чухал үзүүлэлтүүдийн нэг юм. Түүнчлэн дэлхийн эдийн засагт тухайн улсын оролцоог тодорхойлдог. Ашиг олох зорилгоор компаниуд чөлөөт мөнгөн хөрөнгөө үл хөдлөх хөрөнгөнд хөрөнгө оруулалт хийдэг.
Судалгааг авахдаа асуулгын аргаар интернет орчинд нийт 47 хүнээс санамсаргүй байдлаар авсан. Мөн сонгосон байгууллагынхаа санхүүгийн албаны ажилтантай НББОУС 40-н бүртгэлийг ярилцлагын аргаар судлан бэлтгэсэн. Энэхүү судалгааны ажил нь НББОУС 40 Монгол улсад хэрхэн хэрэгждэг, үл хөдлөх эд хөрөнгийн чиглэлээр үйл ажиллагаа явуулдаг ААН, байгууллагууд нягтлан бодох бүртгэлдээ ашигладаг эсэх, хэрхэн тусгагддаг, НББОУС 40 зорилго, хэрэгжилт, хэмжилт зэргийг судална. Ингэхдээ гадаад болон дотоод орчны хүчин зүйлс, онолын тойм, судлагдсан байдал, шийдэх асуудал байгаа эсэх, хэрхэн шийдэх мөн салбарын судалгаа шинжилгээ гэсэн хэсгүүдээс бүрдэнэ.
