Хураангуй:
Энэхүү судалгааны ажил нь Donthu ба Garcia нарын онлайн худалдан авагчийг хүн ам зүйн, хандлага болон сэдэлжүүлэлтийн түвшинг тодорхойлох судалгааны загварыг ашиглан Монгол онлайн худалдан авагч болон худалдан авагч бус хэрэглэгчдийн хоорондын ялгааг тодорхойлоод оновчтой маркетингийн санал зөвлөмж боловсруулахад зорьсон болно. Тус хоёр хэрэглэгчийн сегментийг тав тух эрэх байдал, инновацлаг байдал, эрсдэлээс зайлсхийх байдал, өргөн сонголтод дуртай байдал, брэндийн мэдлэг, үнийн мэдрэмж, худалдан авалтад хандах хандлага, шууд маркетингт хандах хандлага, зар сурталчилгаанд хандах хандлага болон хүн ам зүйн хэмжигдэхүүнүүдээр хэмжсэн.
