Хураангуй:
Монгол үндэстний соёлын өвийн томоохон төлөөлөл бол Монгол үндэсний бичиг бөгөөд цор ганц босоо гэх тодотголоор дэлхийд гайхагддаг билээ. Энэхүү судалгааны ажлын хүрээнд Монгол бийрэн бичлэгийн урлагийг аялал жуулчлалын бүтээгдэхүүн болгон хөгжүүлж, монгол үндэстэн болон олон улсад сурталчлан таниулах арга замыг боловсруулахыг зорилоо. Монгол уран бичлэг нь эртний уламжлалт утга соёл, эрдэм мэдлэг, оюуны боловсрол, хүний дотоод сэтгэлийн торгон мэдрэмжийг Монгол бичгийн зурлагаар илэрхийлж үзүүлдэг бийрийн урлаг бөгөөд энэхүү өвөрмөц өвийг аялал жуулчлалын бүтээгдэхүүн болгон хөгжүүлснээр үндэсний соёлоо түгээн дэлгэрүүлэхийн зэрэгцээ улсын аялал жуулчлалын салбар болон эдийн засагт эерэг нөлөө үзүүлэх юм.
