АРБИТРЫН АЖИЛЛАГААН ДАХЬ ШҮҮХИЙН ОРОЛЦОО / АРБИТРЫН ШИЙДВЭРИЙГ ХҮЧИНГҮЙ БОЛГОХ ЭРХ ЗҮЙН ЗОХИЦУУЛАЛТ/

Abstract

Арбитрын хэрэг хянан шийдвэрлэх ажиллагааны үр дүнд гарсан арбитрын үндсэн шийдвэрийг гарахаас өмнө, гарсны дараах шүүхийн оролцоог судлан харьцуулалтын арга, задлан шинжилгээний арга, түүхчлэх арга болон баримт шинжлэлийн аргад тулгуурлан судалгаа хийсэн Судалгааны хэсгийн эхний хэсэгт ЮНСИТРАЛ-ын загвар хууль, Арбитрын тухай хуулийн харилцан хамаарал, нутагшуулсны ач холбогдол, тус загвар хуулийг нутагшуулсан бусад улс орнуудын эрх зүйн зохицуулалтыг Монгол улсын хууль тогтоомжтой харьцуулан судалсан. Мөн арбитрын тухай хуулийг он, цаг дарааллын дагуу түүхчлэх аргыг ашиглан судалсан болно. Хоёрдугаар хэсэгт Арбитрын шийдвэрийг хүчингүй болгохоор гаргасан хэргийн оролцогчийн хүсэлтийг хэрхэн шийдвэрлэсэн байдлыг харуулахын тулд холбогдох хэргийн материалуудыг шинжлэн судаллаа. Гуравдугаар хэсэгт Арбитрын шийдвэрийг хүчингүй болгох үндэслэлүүдээс шүүх нөхцөл байдлыг тогтоон хүчингүй болгох Арбитрын тухай хуулийн 47 дугаар зүйлийн 47.2.2-т заасан хоёр үндэслэлийг Монгол улсын хэмжээнд, бусад улс орны хэмжээнд хэрхэн тайлбарлаж ойлгодог талаар судалсан. Эцэст нь энэ бүх судалгааны ажлын хүрээнд тулгамдаж буй асуудлыг тодорхойлон шийдвэрлэх арга замыг олж санал зөвлөмж боловсруулсан болно.