Хураангуй:
Энэхүү судалгаа нь “Гурван Гал” эмнэлгээр үйлчлүүлэгчдийн сэтгэл ханамжийн түвшинг тодорхойлж, санал зөвлөмж боловсруулахад оршино. Эмнэлгийн байгууллага нь зөвхөн эмчилгээ, оношилгоо хийх бус үйлчилгээг мөн давхар үзүүлдэг. Иймд эмчилгээ оношилгооноос гадна үйлчлүүлэгчдийн сэтгэлд хүрэх маш чухал тул үйлчлүүлэгчдийн сэтгэл ханамжийн түвшинг тодорхойлж тус эмнэлгийн ямар хүчин зүйл хэрэглэгчдэд сэтгэл ханамж өгч, юу сэтгэлд хүрдэггүй талаар судлах нь зайлшгүй хэрэгтэй гэж үзсэн юм. Олон улсад эмнэлгээр үйлчлүүлэгчдийн сэтгэл ханамжийн түвшинг тодорхойлох судалгааны ажлууд цөөнгүй байдаг нь энэ чиглэлийн судалгаа нь иргэд болон эмнэлгийн байгууллагуудад хэрэгтэй гэдгийг илтгэнэ. Монгол улсад тухайлсан эмнэлгийн судалгааны ажил хараахан хийгдээгүй байна. Судалгааг тодорхойлох судалгааны аргаар авсан ба номинал өгөгдөхүүн, ликертийн шкалыг ашигласан. Судалгааны загварыг Jim Pearse судлаачийн “Австрали улсын эмнэлгүүдэд хийсэн өвчтөний сэтгэл ханамж, туршлагын судалгаа” сэдэвт судалгааны ажил дээр үндэслэн боловсруулсан болно. Энэхүү судалгаанд эмнэлгийн үйлчилгээний 6 хүчин зүйлийг авч судалсан билээ. Судалгааны найдвартай байдлыг хангах үүднээс эмнэлгээр үйлчлүүлсэн 10 хүнээс пайлот буюу туршилтын судалгаа авсан.
