Орхон аймагт мах бэлтгэх үйлдвэр байгуулах бизнес төлөвлөгөө

Abstract

Монгол улс нь жилд 8 сая толгой мал нядлан 230 мянган тонн махыг хүнсэндээ хэрэглэдэг. Гэвч үүний дөнгөж 14%-ийг үйлдвэрийн аргаар боловсруулдаг бөгөөд үлдсэн хувийг гар аргаар, чанарын шаардлага хангаагүй бохир орчинд нядлан борлуулдаг. Тиймээс эрүүл, цэвэр чанарын шаардлага хангасан махыг бэлтгэх, хадгалах, цэвэр орчин худалдаалах, цаашлаад Монгол малын махыг олон улсад экспортлох шаардлагтай.

Манай мах бэлтгэх үйлдвэр нь 216м2 үйлдвэрийн барилга, мах нядлах шугамтай хагас автомат тоног төхөөрөмж, мах хуваах, хэрчих, татах машин, вакум савлах машин, 500тн мах хадгалах зоорь зэргээс бүрдэнэ. Өдөрт нийт 30 бод, 100 бог нядлах хүчин чадалтай. Үйл ажиллагааны эхний жилдээ тоног төхөөрөмжийн хүчин чадлын 10%-ийг ашиглана. Үйлдвэрийн процессийн хувь 13 үе шаттай. Нийт 15 хүний бүрэлдэхүүнтэй үйл ажиллагаагаа эхэлнэ. Задгайгаар худалдаалах ястай болон цул махнаас гадна үхрийн гол мах, гуяны стейк, гуляшны мах, татсан мах, хавирга, гүзээ гэсэн нийт 6 төрлийн бүтээгдэхүүн савлан худалдаална. Үнийн хувьд үнэ цэнэд суурилан үнэ тогтоох аргыг ашиглан зах зээлийн дунджаас арай өндөр үнэ тогтоосон.