Хураангуй:
Энэхүү судалгааны ажлаар арилжааны банкны нийгмийн хариуцлагын өнөөгийн байдал, цаашид КНХ сайжруулснаар зээлийн бодлогоор дамжуулан бодитойгоор байгаль орчин болон бусад нийгмийн өмнө тулгамдаад буй асуудлыг шийдвэрлэх боломж болон компани нь урт хугацаандаа тогтвортой ажиллахад КНХ нь томоохон хувь нэмэр оруулдагийг онолын түвшинд судаллаа.
Арилжааны банкууд тус тусдаа КНХ-ыг хандив тусламж зэргээр хэрэгжүүлж байгаа нь учир дутагдалтай бөгөөд цаашид КНХ-ыг арилжааны банкууд нэгтсэн нэг бодлогын хүрээнд харилцагчаа сургах, зөвлөх, нийгэм, байгаль орчин, салбарын хөгжилд ээлтэй байх зарчимд нэгдэх зайлшгүй шаардлагатай байгаа бөгөөд Монгол улсын арилжааны банкуудын хэрэгжүүлж буй нийгмийн хариуцлагын төсөл хөтөлбөрийг судалж, санал зөвлөмж боловсрууллаа.
