Банк бус санхүүгийн байгууллагын комплайнсын хэрэгжилтийн өнөөгийн байдал ажилтныг мэргэшүүлэх удирдах ажилтны манлайлал

Abstract

Санхүүгийн салбарын тогтвортой байдлыг хангахын тулд компанийн засаглалаас гадна комплайнсын удирдлагыг хэрэгжүүлдэг олон улсын сайн туршалага бий. Харин манай улсад банкнаас бусад санхүүгийн салбарын комплайнсын өнөөгийн байдлыг үнэлж, дүгнэсэн судалгааны ажил ховор байдаг. Комплайнсын зорилго, үүрэг, эрсдэлийн талаар ахисан түвшний мэдлэгийг олж аван, байгууллагадаа комплайнсын соёлыг бий болгон улмаар Монгол улсад мөрдөгдөж буй мөнгө угаах болон терроризмыг санхүүжүүлэхтэй тэмцэх хууль, журам, дотоод хяналтын хөтөлбөрийг хэрэгжүүлэх талаар илүү ахисан шатны мэдлэгтэй болгох. Байгууллагууд өөрсдийн үйл ажиллагааг сайжруулах үүднээс сайн засаглал, эрсдэлийн удирдлагын менежментийг амжилттай нэвтрүүлсээр байгаа ч комплайнс хэмээх тогтолцоог орхигдуулан төдийлөн ач холбогдлыг нь үнэлэхгүй хандлагатай байна. Практик дээр зарим байгууллагын хувьд хяналтын тогтолцоог бүрдүүлэхдээ дотоод хяналт, комплайнс болон дотоод аудитын чиг үүрэг, онцлог ялгааг нарийвчлан тодорхойлоогүйн улмаас ажил үүргийн давхардал үүсэх, эдгээрийг нэг байгууллагад зөвхөн нэг нэгж/ажилтан хэрэгжүүлэх, эсхүл аль нэг хяналт нь байгууллагад хэрэгждэггүй. “Базелийн хороо”-ноос эдгээр хяналтын чиг үүргийг тусгаарлах, бодлого журмыг тус тусад нь боловсруулах, хяналтыг хэрэгжүүлэх тусдаа нэгж, ажилтантай

байхыг зөвлөсөн байдаг. Тиймээс энэхүү судалгааны ажлын гол зорилго нь комплайнсын хэрэгжилтийн өнөөгийн үйл явцыг үнэлэх, ажилтныг мэргэшүүлэх, удирдлагын манлайлыг сайжруулан хөгжүүлэхэд чиглэсэн санал, зөвлөмж, үр дүнтэй тогтолцоо бүрдүүлэх санал боловсруулсан болно.