Компанийн гүйцэтгэх удирдлагатай хийх гэрээний эрх зүйн зохицуулалт

Abstract

Энэхүү судалгааны ажлыг гүйцэтгэх удирдлагатай хийх гэрээ нь бусад ажилчидтай хийх гэрээнээс юугаараа онцлог гэдгийг олж тогтоох, уг гэрээнээс үүдэн талуудын хооронд ямар маргаан гарч байгааг болон уг маргаантай холбоотой ямар зохицуулалт, шийдэл оруулбал талууд маргахгүй байх боломжтойг олж тогтоохоор сонгосон ба уг үндэслэлээс үүдэн гүйцэтгэх удирдлага болон компани хоорондын ОНБХГ-ний харилцаанд гүйцэтгэх удирдлагын бүрэн эрх хэмжээтэй холбоотой, гүйцэтгэх удирдлагын үнэлгээтэй холбоотой, цалин урамшуулалтай холбоотой, үл өрсөлдөх үүрэгтэй холбоотой зэрэг асуудал үүсэж байх магадлалтай хэмээн таамагласан. Уг таамаглалтай холбоотойгоор уг гэрээний Монгол улс дахь өнөөгийн эрх зүйн зохицуулалтыг тодорхойлж, компани болон гүйцэтгэх удирдлагатай хийсэн гэрээнүүдэд дүн шинжилгээг хийж, ихэвчлэн ямар төрлийн маргаан гардаг талаар судлан, уг маргааныг гадаад орны эрх зүйд хэрхэн зохицуулсан байгааг өөрийн улсын хууль эрх зүйд хэрхэн зохицуулсан байгаатай харьцуулан судлах зорилтыг тавьж, цаашид өөрийн улсын эрх зүйд хэрхэн зохицуулах боломжтой талаар дүгнэлт, санал өгөхөд судалгааны ажлын зорилгоо тодорхойлон хийж гүйцэтгэсэн. Ийнхүү судалгааны ажлыг зорилтын дагуу хийж гүйцэтгэсний үндсэн дээр таамаглалын нотолсон ба компани болон аж ахуйн нэгжүүд хуульд тусгайлан зохицуулсан ОНБХГ-ний эрх зүйн зохицуулалтыг бүрэн дүүрэн ашигладаггүй гэх дүгнэлтэд хүрч, 8 хүртэлх саналыг тусгасан.