Аялал жуулчлалын платформ хөгжүүлэх шийдэл

Abstract

Дижитал технологи хурдацтай хөгжсөн энэ үед хэрэглэгчид аяллын мэдээллийг цахим хэлбэрээр хурдан, хүртээмжтэй авах хэрэгцээтэй болж байв. Гэвч Монголын аялал жуулчлалын цахим платформуудын мэдээллийн агуулга, бүтэц, хэрэглэгчийн туршлага хангалтгүй түвшинд байгааг судалгаагаар тогтоосон. Үүнтэй холбогдуулан энэхүү дипломын ажлын хүрээнд Монголын аялал жуулчлалын цахим хэрэглэгчдийн зан төлөв, хэрэгцээ шаардлага, технологийн шийдлүүдийг судлав. Мөн таван тэргүүлэх үндэсний аялал жуулчлалын байгууллага (New Juulchin, Nomadic Expeditions, Gazarchin Travel, Mongol Aylal, Discover Mongolia) болон гурван олон улсын платформ (TourRadar, Audley Travel, Kensington Tours)-ын цахим хэрэглээ, вэб сайт, сошиал медиа сувгуудын агуулга, бүтэц, загвар, хэрэглэгчийн туршлагыг харьцуулан шинжилсэн.

Үүний үндсэн дээр аялал жуулчлалын байгууллагад зориулсан мэдээлэл хүртээмжтэй, хэрэглэгч төвтэй, ухаалаг цахим платформын шийдлийг боловсруулав. Үүнд санал болгох системийн загваруудыг (агуулга дээр суурилсан, хамтарсан шүүлтүүр, холимог загвар) тусган, хэрэглэгч бүрт тохирсон мэдээлэл, аяллыг санал болгох боломжийг бүрдүүлсэн. Энэхүү шийдэл нь хэрэглэгчийн туршлагыг сайжруулах, борлуулалт нэмэгдүүлэх, мэдээллийн хүртээмжийг өндөр түвшинд хүргэх зорилготой байв.