“ТОГТВОРТОЙ ХӨГЖИЛ, ЧАНАРТАЙ БОЛОВСРОЛ” Аялал жуулчлал, зочлох үйлчилгээний менежментийн Хөтөлбөрийн багш нарын ажлын орчны шинэчлэл төсөл

Abstract

Тус дипломын төсөл нь Санхүү эдийн засгийн их сургуулийн Олон улсын аялал жуулчлалын сургалт судалгааны институтын багш нарын ажлын орчныг шинэчлэх, сайжруулах зорилготой хэрэгжүүлэв. Судалгаанд багш нарын ажиллах нөхцөл, орчны стандарт шаардлага хангаж буй эсэхийг үнэлсэн бөгөөд үр дүнд нь тав тух, гэрэлтүүлэг, дуу чимээ, агааржуулалт, тавилгын стандартын асуудлуудыг илрүүлсэн ба үүнд үндэслэн шинэ ширээ, гэрэлтүүлэг, кактус, сандалны бүрээс, уулзалтын хэсэг, шилэн хаалга, самбар зэрэг шинэчлэлүүдийг хийж, эрүүл, минимал, тогтвортой хөгжлийг дэмжсэн орчныг бүрдүүлсэн. Шийдлүүдийг олон улсын стандарт, тогтвортой хөгжлийн зарчимд нийцүүлэн боловсруулсан бөгөөд төсөл нийт 2 сарын хугацаанд амжилттай хэрэгжсэн болно. Энэхүү шинэчлэл нь багш нарын ажиллах орчны сэтгэл ханамж, бүтээмжийг дээшлүүлэхэд бодит үр нөлөө үзүүлэв.