ЦАХИМ ОРЧИНД ХУДАЛ МЭДЭЭЛЭЛ ТАРААХ ГЭМТ ХЭРГИЙН ЭРХ ЗҮЙН ОРЧИН

Abstract

Энэхүү төслийн гол зорилго бол цахим орчинд худал мэдээлэл тараахтай холбоотой хуулийн зүйл заалтыг судлах ба хэрхэн хэрэгжиж байгаа талаар судалгаа шинжилгээ хийхэд оршиж буй юм. Судалгааны хүрээнд цахим орчинд худал мэдээлэл тараах гэмт хэргийг зохицуулсан эрүүгийн хуулийн 13.14, 14.8 гэсэн заалтууд байх ба худал мэдээлэл тараах гэмт хэргийг нийт гэмт хэргийн тоотой харьцуулахад худал мэдээлэл тараах гэмт хэрэг жил бүр 0.1%-аас бага хувийг эзэлж байгааг харуулж байгаа юм. Мөн энэхүү Эрүүгийн хуулийн 13.14 зүйл заалт мань бүрэн хэрэгжихгүй байна гэж харж болохоор байгаа ба худал мэдээлэл тараах гэмт хэрэг буюу 13.14 зүйлд заасан байгаа Илт худал мэдээлэл, Олон нийтэд тараасан бол гэж заасан байгаа нь хэт ерөнхий, хөрвүүлэн ашиглах боломжтой байна гэж харагдаж байгаа юм. Үүнээс гарах арга замын хувьд хөрш орны жишгээс авч үзвэл илүү нарийвчилсан хуулийн зүйл, заалтуудыг тусгах бөгөөд цахим орчны хүрээнд хяналт тавих, хязгаарлах боломжийг ахин дахин судлах, хязгаарлах боломж байвал түүнийг зохицуулсан зүйл заалтыг нарийн тусгах гэсэн туршлага, хэрэгжилтээс авч болох юм.