Цагь брэндийн сошиал медиа маркетингийн төлөвлөгөө

Abstract

Монгол улсын эдийн засагт жижиг дунд үйлдвэрлэл нь томоохон үүрэгтэй бөгөөд ажлын байрыг нэмэгдүүлэх, импортын бараа бүтээгдэхүүнийг орлох, үндэсний үйлдвэрлэлийг түгээн дэлгэрүүлэх үүрэг гүйцэтгэдэг. Үүний нэгээхэн жишээ бол Монголчуудын хэрэглэж заншсан сүү сүүн бүтээгдэхүүн болох цагаан идээ юм. Өмнө нь олон тооны томоохон сүүний үйлдвэрүүд цөөн тооны сүүн бүтээгдэхүүн үйлдвэрлэдэг байсан бол өдгөө Монгол улсын хэмжээнд 307 сүүн бүтээгдэхүүний үйлдвэр, 87 цех үйл ажиллагаа явуулж байгаа ба 2023 оны байдлаар нийт 126.8 тон литр сүүн бүтээгдэхүүн үйлдвэрлэгджээ. (Хүнс хөдөө аж ахуй, хөнгөн үйлдвэрийн яам 2024) Уг өрсөлдөөнтэй дотоодын зах зээлд нийлүүлэгдэж буй ижил төрлийн бүтээгдэхүүн болон орлуулагдах бүтээгдэхүүнээс ялгарч, зорилтот хэрэглэгчийнхээ үнэ цэнийг нэмэгдүүлж, оновчтой маркетингийн үйл ажиллагааг хэрэгжүүлэхийн тулд сүүн бүтээгдэхүүн үйлдвэрлэгч “Цагь” брэндийн сошиал медиа маркетингийн төлөвлөгөөг бичиж гүйцэтгэв. Уг дипломын ажлын гол зорилго нь “Цагь” ээзгийний амттан брэндийн хэрэглэгчдийг судалж, сошиал медиа сувгуудын дагагчдын тоог нэмэгдүүлэхийн сацуу борлуулалтыг нэмэгдүүлж, ашигт ажиллагааны бүрэн гүйцэт байдлыг дэмжихэд оршино. Энэхүү судалгааны ажлаар сүү сүүн бүтээгдэхүүн хэрэглэгчдийн зан төлөв, худалдан авалтад нөлөөлөх хүчин зүйлс, өрсөлдөгчдийн болон орлуулах боломжтой бүтээгдэхүүнүүдийн сошиал медиа маркетингийн стратегийг хэрхэн ашиглаж буйг судалсан.