Хураангуй:
Уг судалгааны хүрээнд Монгол улсын төв банкны үйл ажиллагааны нэгээхэн
төрөл болох хяналт шалгалтын асуудалд холбогдох тулгамдсан асуудлыг нарийвчлан
судалж практик болон эрх зүйн орчныг судлахыг зорьсон болно. Анх 1924 оны 6 дугаар
сарын 2-нд Монгол, Зөвлөлт Орос улсын хувь нийлүүлсэн хөрөнгөөр “Монголын
худалдаа, аж үйлдвэрийн банк” байгуулагдсан бөгөөд энэ нь одоогийн Монголбанкны
суурийг тавьсан билээ. Монгол улсын Төв банк /Монголбанк/ нь үндэсний мөнгөн
тэмдэгт буюу төгрөгийн тогтвортой байдлыг хангах үндсэн зорилтын хүрээнд үйл
ажиллагаагаа явуулдаг. Дээрх зорилгыг хангаж үндэсний мөнгөн тэмдэгтийн тогтвортой
байдлыг хангахад Монголбанкны хяналт, шалгалт түүний эрх зүйн орчин чухал нөлөө
үзүүлэх тул энэ талаар нарийвчлан судлах зүй ёсны шаардлага тулгарч байна