Хураангуй:
Орчин үед хувцас хэрэглэл нь хүн төрөлхтний анхдагч хэрэгцээ гэхээс илүүтэй
нийгэмд өөрийгөө илэрхийлэх, бусдаас ялгарах эсвэл ижилсэх хэрэглүүр болсон.
Үүнийг дагаад манай оронд олон төрлийн хувцасны брэнд, бэлэн хувцасны төрөлжсөн
дэлгүүрүүд бий болж, зах зээл дээрх өрсөлдөөн улам бүр нэмэгдэж байна. Монгол Улсад
2023 оны байдлаар жижиглэн худалдааны борлуулалтын орлого 26.3 их наяд төгрөгт
хүрсэн нь өмнөх оноос 4.2 (18.9%) их наяд төгрөгөөр өссөн дүн юм. Энэ нь худалдааны
салбарын борлуулалтын орлогын 59.8 хувьтай тэнцэж байна. Эрэлт, нийлүүлэлт ихтэй
энэхүү салбарт бизнес эрхлэгчид ялгарлаа бий болгох, үйл ажиллагаагаа өргөжүүлэхэд
визуал мерчиндайзингийн үзүүлэх нөлөөллийг тодорхойлох зорилгоор тус судалгааны
ажлыг гүйцэтгэлээ.
