Гадаад шууд хөрөнгө оруулалтанд агломерацийн үзүүлэх нөлөөний шинжилгээ

Abstract

Гадаад шууд хөрөнгө оруулалт нь эдийн засгийн өсөлттэй эерэг хамааралтайг дэмжсэн онолын болон эмпирик судалгааны ажлууд ихээхэн хийгдсэн. Тиймээс улс орнууд гадаад хөрөнгө оруулалт татах бодлогыг дэмжиж эдийн засгаа өсгөхийг хичээдэг. Энэхүү судалгааны ажил нь гадаадын шууд хөрөнгө оруулалт татах агломерацийн нөлөөг таних, гадаадын шууд хөрөнгө оруулалт нь ойролцоох хөрш зэргэлдээ улсын хөрөнгө оруулалтаас шалтгаалдаг орон зайн харилцан хамааралтайг нотлох, энэхүү орон зайн харилцан хамаарал нь агломерацийн нөлөөг харуулдгийг баталах гол зорилготой юм. Мөн энэхүү нөлөө өөр өөр түүвэр улсуудад хэрхэн нөлөөлдгийг харах зорилгоор түүвэр улсуудаа Эдийн засаг хамтын ажиллагаа ба хөгжлийн байгууллагад гишүүн орон болон гишүүн бус орнуудаар хуваав. Ийнхүү олон улсын өгөгдөл ашиглан Америкийн нэгдсэн улсын хөрөнгө оруулалтын гарах урсгалыг 35 хүлээн авагч орны хувьсагчид дээр орон зайн эконометрикийн загвар ашиглан Хамгийн бага үнэний хувь бүхий аргаар тоон шинжилгээ хийснээр судалгааны үр дүнд тодорхой хэмжээний орон зайн харилцан хамааралтай гарч агломерацийн эдийн засгийн давуу талууд хөрөнгө оруулах таатай орчныг бүрдүүлдгийг харуулав.