Хураангуй:
Монгол улсын хувьцаат компаниуд өөрийн гаргасан хувьцаагаа эргүүлэн худалдан авах үйл ажиллагааг 2011 оны Компанийн тухай хуулиар хуульчилсан. Энэхүү эргүүлэн худалдан авахтай холбоотой үйл ажиллагаа нь дэлхий дахинд хурдацтай өсөж байгаагийн хэрээр судалгааны цар хүрээг улам нэмэгдүүлж байгаа бөгөөд хөрөнгө оруулагчид болон хувьцаа эзэмшигчдэд энэхүү үйл ажиллагаа нь хачирхалтай байж магадгүй юм. Учир нь хувьцаат компани өөрийн гаргасан хувьцаагаа зах зээл дээрээс эргүүлэн худалдан авах үйл ажиллагааг ямар нөхцөлд хэрэгжүүлэх вэ? Мөн тэрхүү үйл ажиллагааны хэрэгжилтийн явцад эрх зүйн орчны хувьд ямар эрсдэл тулгарч байгаа эсэхийг судлах шаардлага үүсэж байгаа бөгөөд эргүүлэн худалдан авах үйл ажиллагааг бусад хөрөнгийн зах зээл хөгжсөн улс орнуудын стандарттай харьцуулан дүн шинжилгээ хийж байгаагаараа энэхүү судалгааны ажил маань шинэлэг юм.
