Хураангуй:
Энэхүү судалгааны ажлын хүрээнд Иргэний тусгайлсан журмаар хэрэг хянан шийдвэрлэх ажиллагааны онцлог, үр нөлөөг онолын судалгааны хүрээнд эрх зүйн социологийн судалгааны өвөрмөц арга болох эрх зүйн хэм хэмжээг тайлбарлан Иргэний хэрэг хянан шийдвэрлэх тухай хуулийн долдугаар бүлгийн “Тусгайлсан журмаар хэрэг хянан шийдвэрлэх ажиллагаа”-ны нэмэлт өөрчлөлтийг судлан, тайлбарлаж түүнийг боловсронгуй болгоход шаардагдах судалгаа, шинжилгээг судалгааны эмпирик ба харьцуулсан аргын хүрээнд хийн Европын холбооны улс, Англи улс, Австрали улсын бага үнийн дүнтэй хэрэг хянан шийдвэрлэх ажиллагааны эрх зүйн хэм хэмжээг судлан харьцуулсан. Тусгайлсан журмаар хянан шийдвэрлэх ажиллагааны бага үнийн дүнтэй хэрэг дийлэнх тохиолдолд хэргийн үйл баримт тодорхой, маргаан багатай байх шинжийг агуулдаг. Иймээс тусгайлсан журмаар хянан шийдвэрлэх ажиллагааны иргэний хэргийг хурдан шуурхай, хялбар, зардал багатай байдлаар шийдвэрлэх боломжтой байна.
