Хураангуй:
Худалдааны байгууллагын хувьд эрсдэлийн соёлын үнэлгээ хийн, сайн эрсдэлийн соёл нь байгууллагын эрсдэлийн удирдлагад хэрхэн нөлөөлөх талаар судлах зорилготой юм. Эрсдэлийн соёл гэдэг нь нэгдмэл зорилготой бүлэг хүмүүс буюу байгууллагын удирдлагууд, ажилчдын эрсдэлийн талаарх мэдлэг, ойлголт, итгэл үнэмшил, үнэ цэнийг эрсдэлийн соёл гэнэ. Эрсдэлийн сайн соёл нь эрсдэлийн удирдлагын гол үндэс болдог.
Онолын судалгааг хийхэд эх хэл дээрх мэдээ мэдээлэл хомс байсан бөгөөд гадаадын байгууллагын судалгааны тайлан, гадаадын их дээд сургуулийн магистрын зэрэгтэй судалгааны ажил, өгүүлэл, ном товхимол зэрэг эх үүсвэрүүдээс бүрдүүлж, судалгааны ажилдаа оруулав.
Уг судалгааны хүрээнд дотоодын худалдааны байгууллага болон олон улсын франчайз худалдааны байгууллагын ажилтнуудаас асуулгын арга, мэргэжилтнүүдээс ярилцлагын аргаар судалгаа авч үр дүнг боловсруулсан. Эцсийн үр дүнд эрсдэлийн соёлд нөлөөлөгч хүчин зүйлс сургалт, бодлого, дүрэм журам, мэдээллийн эргэх холбоо, ажилтан, удирдлагын мэдлэг, ур чадвар, урамшуулал, дотоод хяналт гарсан. Эрсдэлийн сайн соёлыг төлөвшүүлснээр байгууллагын үйл ажиллагааны хувьд эрсдэл буурах, санхүүгийн хувьд ашиг орлого өсөх бөгөөд байгууллагын эрсдэлийн удирдлагад эергээр нөлөөлдөг гэсэн үр дүнд хүрсэн.
