Сэндбокс зохицуулалтын орчны эрх зүйн харьцуулсан судалгаа

Abstract

Монгол улсын хувьд технологид суурилсан санхүүгийн шинэ бүтээгдэхүүн, үйлчилгээний эрх зүйн зохицуулалт ойлгомжгүй мөн хэрэглэгчдийн мэдлэг төлөвшөөгүй гэх мэт олон асуудлуудаас үүдэн иргэд болон гарааны бизнесүүд хохирох үзэгдэл ихэсч байгаа бөгөөд тухайн асуудлууд дээр нөхөн эрх зүйн зохицуулалт хийх нь түлхүү ажиглагдаж байгаа тул сэндбоксын зохицуулалтыг нутагшуулах түүнтэй холбоотой судалгааг хийх нь аливаа эрсдэлээс урьдчилан сэргийлэх, асуудлыг гарсны дараа бус гарахаас нь өмнө шийдвэрлэх боломжийг бүрдүүлэх практик ач холбогдолтой юм. Энэхүү судалгааны бүтээлдээ Сэндбокс зохицуулалтын үүсэл хөгжил, олон улсын чиг хандлага болон Монгол улс дахь өнөөгийн нөхцөл байдлыг тусгахыг зорилоо. Судалгааны хүрээнд Монгол улсад хүчин төгөлдөр хэрэгжиж эхлээд удаагүй байгаа Сэндбокс зохицуулалтын орчны журмын шинэчилсэн найруулгыг өмнө мөрдөгдөж байсан журамтай нь харьцуулан судлах замаар зохицуулалтын хувьд дэвшилттэй болон ойлгомжгүй зүйл заалтыг тодруулан дүн шинжилгээ хийсэн билээ. Улмаар тус дүн шинжилгээний үр дүнд тулгуурлан зарим тодорхойгүй асуудлуудыг нарийвчлан судлахын сацуу манай улсад хэрэгжүүлж болохуйц өөр онцлог зохицуулалтыг Их Британи болон Австрали улсын сэндбокс зохицуулалтын хүрээнд судлан сайн туршлагыг санал дэвшүүлэх байдлаар судалгааг боловсруулсан.