БАРИЛГЫН САЛБАР ДАХ ЖЕНДЕРИЙН ЭРХ ТЭГШ БАЙДЛЫГ ТОДОРХОЙЛОХ СУДАЛГАА

Abstract

Хөдөлмөрийн зах зээлд дээр ажиллах хүчний 5.3%-ийг бүрдүүлж, ажиллах хүчний эрэлт эрчимтэй өсөж буй барилгын салбарт энэ талаарх судалгаа байхгүй байна. Барилгын салбарын хувьд эрэгтэйчүүд давамгайлсан буюу энэ салбарын ажиллах хүчний 87% нь эрэгтэйчүүд, үлдсэн хувь нь эмэгтэйчүүд ба эмэгтэйчүүд ажиллах тохиромжгүй гэх жендэрийн хэвшмэл ойлголт түгээмэл байгаа нь энэ салбарт ажиллаж буй эмэгтэйчүүдийн ажил хөдөлмөр эрхлэх, эрүүл аюулгүй орчинд ажиллах, цалин хөлсний ялгаварлалгүй байх гэх зэрэг жендэрийн тэгш эрхийг эдлэх боломжийг хязгаарлаж байна. Нөгөө талаас энэ салбарт ажиллаж буй эрэгтэйчүүдийн эрүүл мэндийн асуудал орхигдох, ажлын байранд осолд өртөх, эрүүл мэндээрээ хохирох, ажил, амьдралын тэнцвэр алдагдах зэрэг байдлыг бий болгож байна. Иймээс барилгын салбарт баримтлах жендэрийн мэдрэмжтэй бодлогыг боловсруулах, хэрэгжүүлэхэд энэ чиглэлийн байгууллага болон ажилтнаас нарийн судалгаа авч, өнөөгийн нөхцөл байдлыг тодорхойлох, тэгш бус байдлыг илрүүлэх, түүнийг залруулах боломжийг тодорхойлохыг зорилоо. Энэхүү судалгааны хүрээнд дараах зорилтыг тодорхойлсон. Үүнд: “жендерийн эрх тэгш байдал”-ын талаарх онолын судалгаа, судалгааны арга зүйтэй танилцах, барилгын салбар дахь аж ахуй нэгжүүдийн “жендерийн эрх тэгш байдал”-ын талаарх ойлголт, өнөөгийн нөхцөл байдлыг тодорхойлох, жендерийн тэгш болон тэгш буc байдлыг тодорхойлох, жендерийн тэгш бус байдлыг үүсгэж бүй хүчин зүйлс, суурь шалтгаан, жендерийн тэгш бус байдлыг багасгах, арилгах боломжуудыг тодорхойлох, санал дэвшүүлэх; Судалгааг Жендэрийн эрх тэгш байдлын индекс (GEI) аргачлалыг ашиглан 5 агуулгын хүрээнд 5 бүлэг 42 асуулга бүхий судалгаагааг 2023.1-р улирлын байдлаар барилгын салбарт идэвхтэй үйл ажиллагаа явуулж буй 6831 байгууллагаас төлөөлөх чадвар бүхий 95 байгууллагаас болон ажиллагсдаас асуулгын аргаар авсан болно