Хураангуй:
Ядууралд олон нийтээрээ анхаарч, бодлого боловсруулагчид бууруулах олон арга хэмжээ авдаг хэдий ч түүнийг илүү бодитой болгох судалгаа хомс байдаг буюу ядууралд нөлөөлж буй хүчин зүйлсийн болон 21 аймгийн ядууралд чиглэсэн судалгаа одоогоор байхгүй байна. Тиймээс 2014 болон 2018 он дээр аймаг тус бүрийн ядуурлын түвшинг тооцон ядуурлын тархцыг илүү ойлгомжтой болгон бэлтгэх ба хөдөө орон нутгийн ядууралд нөлөөлж буй хүчин зүйлийг үнэлэх зорилготой юм. Ингэхдээ ӨНЭЗС- нд суурилан ядуурал тооцох Монгол улсын арга зүйд тулгуурлан хөдөө орон нутгийн ядуурлыг өрхийн хэрэглээнд суурилан тооцсон болно. Өөрийн судалгаандаа нэгдсэн нэг тооцооллоор аймгуудын ядуурлын түвшинг тооцон 2014-2018 оны хооронд аймгуудад ядуурал хэрхэн яаж өөрчлөгдсөнийг харуулсан ба ядууралд нөлөөлж буй үйлдвэрлэл, дэд бүтэц, ажилгүйдэл, нэг малчинд ногдох малын тоо, ХХИ зэрэг хүчин зүйлсээс хамааруулан үнэлсэн болно. Үүний үр дүнд ядууралд үйлдвэрлэлийн борлуулалт болон ХХИ сөрөг хамааралтай гарсан байна.
