Хураангуй:
Энэхүү судалгааны ажлын хүрээнд Монгол улсын иргэн, хувь хүний эрсдэл хүлээх зан төлөвт нөлөөлж буй хүчин зүйлсийг тодорхойлох зорилготой. Хувь хүний санхүүгийн эрсдэлийн зан төлөвийг тодорхойлохдоо эрсдэлд хандах хандлага, санхүүгийн зан төлөв, санхүүгийн мэдлэг боловсрол гэсэн гурван бүлэг хүчин зүйлсээс хамааруулан регрессийн шинжилгээ хийж, хувь хүний нас, хүйс, амьдралын хэв маяг зэргээс хэрхэн хамаарч байгааг талаар судлахыг зорьсон. Нийт 279 түүврийн урттай асуулгын аргаар судалгаа аван, IBS SPSS 26 программыг ашиглан боловсруулалт хийсэн. Мөн кейс харьцуулалтын аргыг ашиглан гадаад таван улсыг харьцуулах замаар чанарын судалгаа хийсэн. Судалгааны үр дүн санхүүгийн эрсдэл хүлээх зан төлөвт нөлөөлөх хүчин зүйлсийг тодорхойлоход нас нь сөрөг хамааралтай, хүйсийн хувьд эрчүүд эмэгтэйчүүдээс илүү эрсдэлд дуртай байдаг ба эрсдэл даах чадамж, хөрөнгө оруулж байсан туршлага зэрэг нь эрсдэлд хандах хандлагыг тодорхойлоход чухал нөлөө үзүүлсэн. Кластерын шинжилгээний үр дүнд 3 хандлага илэрсэн ба бусад шинжилгээний үр дүнг нэгтгэвэл манай улсын иргэдийн ихэнх хувь нь эрсдэлээс зайлсхийх хандлагатай байна.
