Хураангуй:
Ногдол ашгийн бодлого нь хувьцаат компаниудад зайлшгүй байх ёстой бодлогуудын нэг юм. Энэхүү сэдэв олон төрлийн зах зээлд судлагдсан хэдий ч хөгжиж буй зах зээлийн хувьд үнэлгээ хийх нь харьцангуй хүндрэлтэй байсаар ирсэн нь уг зах зээлийг хөгжсөн зах зээлийн загвараар үнэлж байсантай холбоотой. Ийнхүү хөгжиж буй зах зээлийн нэг болох Шри Ланка улсын зах зээлд хийгдсэн судалгааг үндэслэн өөрийн орны боловсруулах аж үйлдвэрийн ХК-ууд дээр ногдол ашгийн бодлого ашигт ажиллагаанд нөлөөлдөг эсэхийг шинжлэсэн. Шри Ланка улсын жишээн дээр хийгдсэн судалгааны хувьд ногдол ашгийн бодлого нь сонгон авсан 23 компанийн ашигт ажиллагаанд эерэг нөлөөтэй гарсан. Гэвч энэхүү судалгааны хүрээнд манай орны зах зээлд эсрэг үр дүнтэй гарсан нь боловсруулах аж үйлдвэрийн компаниудын тоо, санхүүгийн мэдээллийн үнэн зөв, хүртээмжтэй байдал сул байсан нь холбоотой юм.
