БОРЛУУЛАЛТЫН АЖИЛТНУУДЫН ЗАН ТӨЛӨВ ХЭРЭГЛЭГЧИЙН СЭТГЭЛ ХАНАМЖИНД НӨЛӨӨЛӨХ НЬ (Эрүүл мэндийн бүтээгдэхүүний худалдааны салбарын жишээн дээр)

Abstract

Борлуулалтын байгууллагын хэрэглэгчийн сэтгэл ханамж борлуулалтын гүйцэтгэлийн үзүүлэлтэнд түлхүүр албан тушаал болох борлуулалтын ажилтнуудын зан төлөв онцгой үүрэгтэй. Тийм учраас зан төлвийн хэрэглэгчийн сэтгэл ханамжинд үзүүлэх нөлөөллийг илүү онцолж судлах ажил анхаарал татаж байгаа юм. Хэрэглэгчдийн сэтгэл ханамжинд нөлөөлөх борлуулалтын ажилтнуудын зан төлвийг судалсан судалгааны ажлуудаас харахад борлуулалтын ажилтнуудын хэрэглэгчдэдээ чиглэсэн хандлага, хэрэглэгчдээ сонсдог байх зан төлөв, илүү ёс суртахуунлаг ханддаг байх зан төлвүүдийг хэрэглэгчийн сэтгэл ханамжинд онцгой нөлөөтэйг судалсан судалгааны бүтээлүүд их байгаа тул уг 3 хүчин зүйлийг хэрэглэгчийн сэтгэл ханамжинд нөлөөлж байгаа нөлөөллийг онцолж судлахыг зорьсон. Нэн ялангуяа эрүүл мэндийн бүтээгдэхүүн борлуулж буй байгууллагуудын хувьд борлуулалтын ажилтнуудын эдгээр зан төлвүүдийг хэрэглэгчийн сэтгэл ханамжинд нөлөөлөх нөлөөллийг судлах нь онцгой ач холбогдолтой гэж үзэж байна. Учир нь борлуулж буй эрүүл мэндийн бүтээгдэхүүн нь бусад бүтээгдэхүүнээс маш онцлогтой, эрүүл мэндийн бүтээгдэхүүнийг хэрэглэгч нь бусад хэрэглэгчдээс ялгаатай зан төлөвтэй байх магадлал өндөр, эрүүл мэндийн бүтээгдэхүүнийг борлуулдаг борлуулалтын ажилтаныг эмзүйн ерөнхий мэдлэгтэй байхаас гадна маш нарийн мэдрэмжтэй байхыг шаардсан байдаг. Уг судалгааны ажлын хүрээнд эмийн сангаар үйлчлүүлэгч 158 оролцогчийг санамсаргүй түүврийн аргаар хамруулан судалж үзсэн бөгөөд нийт 34 асуумжтай асуумжийг авсан. Судалгааны үр дүнд түүврийн хэмжээ болон хэмжилтийн найдвартай байдлын түвшинг хангасан. Судалгаагаар хүчин зүйлийн шинжилгээ хийж, 4 хүчин зүйлийг тодорхойлон, 4 хүчин зүйлийн хоорондын хамаарлыг шинжилсэн ба ёс суртахуунлаг зан төлөв 67%, сонсох зан төлөв 61%, хэрэглэгчиддээ чиглэсэн хандлага 65%, хэрэглэгчийн сэтгэл ханамж 64% дундаж үзүүлэлттэйгээр хэмжигдэж байна. Нийт 8 төрлийн шинжилгээ хийсний үр дүнд дэвшүүлсэн 4 таамаглалууд бүрэн батлагдсан. Иймд цаашид эмийн сангаар үйлчлүүлэгчдийн сэтгэл ханамжийг нэмэгдүүлэхэд борлуулалтын ажилтаны ёс суртахуунлаг зан төлөв, сонсох зан төлөв, хэрэглэгчиддээ чиглэсэн хандлагуудыг сайжруулбал хэрэглэгчдийн сэтгэл ханамжинд сайнаар нөлөөлнө гэж дүгнэсэн. Мөн цаашид эрүүл мэндийн бүтээгдэхүүний борлуулалтын ажилтаны уг 3 зан төлвүүдийг байгууллагын бодлогын хүрээнд авч хэлэлцэх, хүний нөөцийн сонгон шалгаруулалтанд уг төлвүүдийг шалгуур болгон ашиглахыг зөвлөсөн.