Хураангуй:
Энэхүү баклаврын ажлаар гадаад худалдааны салбарт үйл ажиллагаа явуулж буй “ЛФ” компанийн санхүүгийн шинжилгээ, төлөвлөлтөд орчны нөлөөг судалж, түүнийг төлөвлөлтөндөө тусгах цаашид сайжруулах арга замыг тодорхойлоход гол зорилго оршино. Судалгааны ажлын шинэлэг тал нь байгууллагын гадаад, дотоод орчны судалгаа шинжилгээ, цаашдын төлөв байдал дээр үндэслэж, өнгөрсөн хугацааны санхүүгийн тайлангуудад тохиргоо хийх замаар засварлагдсан тайлангуудад шинжилгээ хийж, түүнийг байгууллагын стратегитай уялдсан байдлаар төлөвлөлтөд тусгаж буй нь энэ чиглэлд хийгдсэн судалгааны ажлуудаас ялгарах шинэлэг тал байсан юм. Судалгааны ажилд шинжлэх ухааны ерөнхий арга болох анализ (задлан шинжлэх), синтез (нэгтгэн дүгнэх), математик статистикийн аргууд, харьцуулалтын судалгаа, логик дүгнэлт, эдийн засгийн шинжилгээний үндсэн аргачлал, эконометрик, статистик тоон мэдээлэл ба баримт бичгийн судалгааны аргуудыг ашиглан хийж гүйцэтгэсэн.
