Монгол хөрөнгө оруулагчийн зан төлөвийн төөрөгдлүүдийг тодорхойлох нь

Abstract

Тус судалгаа нь Монгол хөрөнгө оруулагчийн хөрөнгө оруулалтын шийдвэр гаргалтад нөлөөлөх зан төлөвийн төөрөгдлүүдийг тодорхойлох зорилготой. Тус зорилгын хүрээнд “Зан төлөвийн хүчин зүйлс болох Хьюристик онол, Хэтийн төлөвийн онол, Зах зээлийн нөлөө болон Хердинг нөлөө нь Монгол хөрөнгө оруулагчийн шийдвэр гаргалтад нөлөөлнө”, “Зан төлөвийн дөрвөн хүчин зүйлс нь Монгол хөрөнгө оруулагчийн хөрөнгө оруулалтын гүйцэтгэлд эерэгээр нөлөөлнө”, “Зан төлөвийн Хэтийн төлөвийн хүчин зүйл нь Монгол хөрөнгө оруулагчийн шийдвэр гаргалтад хамгийн ихээр нөлөөлнө” гэсэн гурван таамаглал дэвшүүлсэн. Санамсаргүй түүврээр 111 Монгол хөрөнгө оруулагчаас анкетын судалгаа авсан бөгөөд таамаглалаа шинжлэхдээ хүчин зүйлийн шинжилгээ, кронбах альфа тест болон SEM үнэлгээг гүйцэтгэсэн. Судалгаанаас Монгол хөрөнгө оруулагчийн шийдвэр гаргалтад дээрх дөрвөн хүчинзүйлс нөлөөлдөг, тэр дундаа Зах зээлийн нөлөө хамгийн их нөлөөлдөг бөгөөд хөрөнгө оруулалтын шийдвэр гаргалтад Хьюристик онол болон Хердинг нөлөө нь эерэгээр нөлөөлдөг гэсэн дүгнэлтүүд тус тус гарсан.