МОНГОЛ УЛСЫН ГАРААНЫ БИЗНЕС ХӨРӨНГИЙН ЗАХ ЗЭЭЛ ДЭЭР ОРОЛЦОХ БОЛОМЖ, АРГА ЗАМУУД

Abstract

Сүүлийн 5 жилийн хугацаанд Монгол улсад гарааны бизнес гэх ойлголт маш хурдацтай тархаж, хүчээ авч, энэ нэр томьёон дээр суурилсан олон гарааны бизнесүүд гарч ирж байгаа билээ. Одоогийн байдлаар нийт 500 гаруй стартапууд байгаа ба хөрөнгө босголт дээр гарааны бизнесүүдэд томоохон хүндрэл тулгамддаг, ялангуяа Хөрөнгийн бирж рүү гарахад гарааны бизнес эрхлэгчдэд яаж хувьцаагаа гаргах, хувьцаагаа олон нийтэд тараах ямар ач холбогдолтой болох нь төдийлөн сайн тодорхойгүй байна. Мөн нөгөө талаас хөрөнгө оруулагчид болон энгийн иргэд гарааны бизнесийг яагаад дэмжих шаардлагатай, яаж дэмжиж болох талаар мэдээлэл багатай байна. Үүнээс үүдэн миний бие гарааны бизнес олон нийтэд гарахын ач тус, IPO гаргахаасаа өмнө болон гаргах үеэр юун дээр анхаарах талаар болон хувьцаат компани болсоны дараа ямар давуу тал болон эрсдэлүүд гардаг талаар гадаадын Apple LLC болон дотоодын Lend.mn хувьцаат компаниуд дээр жишээ аван тайлбарласан. Мөн монголын хөрөнгө оруулагчдын ГБ-т хөрөнгө оруулах зан төлөвийг түүврийн судалгаагаар гаргаж, жишээ авч судалж байгаа 2 компанийхаа хувьцааны үнэлгээд нөлөөлж буй хүчин зүйлсийг шинжлэсэн. Ингэснээр миний судалгаа гарааны бизнес эрхлэгчдэд IPO гаргахад нь туслах мэдээлэл боловсруулж, мөн иргэдэд гарааны бизнесийн талаарх ойлголтыг таниулахыг хичээсэн юм.