Эмэгтэй ажилчдын карьер өсөлтөд нөлөөлөх хүчин зүйлсийн судалгаа

Abstract

Эмэгтэй ажилчдын карьер өсөлтийг тогтвортой байлгах нь манай улс болон бусад улсуудын хувьд тулгамдаж буй асуудал нэг байсаар байгаа юм (Б.Цолмон, 2019). Эмэгтэй ажилчдын карьер өсөлт нь ажил болон амьдралын нөлөөллөөс их хамааралтай байдаг. Энэхүү судалгааны ажлын зорилго нь эмэгтэй ажилчдын карьер өсөлтөд нөлөөлөх хүчин зүйлсийн онол аргазүйд тулгуурлан Төрийн банкны гүйцэтгэх болон ахлах мэргэжилтнүүдийн түвшинд судалгаа хийж, тулгамдсан асуудлыг тодорхойлон цаашид карьер өсөлтөө бий болгоход анхаарах санал зөвлөмжүүдийг боловсруулан ажиллах зорилготой. Энэхүү судалгаандаа Улаанбаатар хотын төв болон салбар нэгжийн 250 эмэгтэй ажилчдыг оролцуулсан болно. Судлаач миний бие өөрийн судалгааг Кети Яарегуй, Мариелла Оливос тэргүүтэй бусад судалгааны ажлуудтай харьцуулан үндсэн 2 хүчин зүйл, 8 зуучлагч хүчин зүйл бүхий, 16 хэмжигдэхүүн бүхий нийт 38 шкал асуулга байхаар онолын загвараа боловсруулсан. Судалгааны ажлаар дэвшүүлсэн 4 таамаглалын 3 таамаглал биелсэн ба регрессийн тэгшитгэлийн коэфициентоор таамаглалыг шалгасан болно. Судалгааны нэгдсэн үр дүнгээс харахад эмэгтэй ажилчдын карьер өсөлт нь гадаад хүчин зүйлээс илүү дотоод хүчин зүйлийн нөлөөлөлтэй их хамааралтай болох нь судалгааны ажлын үр дүнгээр тодорхойлогдсон болно