Хураангуй:
Монгол Улсын интернет хэрэглэгчдийн тоо 2019 оны байдлаар давхардсан тоогоор 5.5 сая хэрэглэгч байгаа нь 2014 онтой харьцуулахад 2.9 дахин өссөн үзүүлэлт болж байна. Үүнийг дагаад онлайнаар худалдан авалт хийх боломжууд нэмэгдэж байгаа ч монгол улсад 2017 онд хийсэн судалгаагаар “нийт оролцогчдын 85.2% нь муу, дундзэрэг буюу худалдан авагчид бэлтгэгдээгүй, интернет худалдааны талаар
мэдээлэл дутмаг, интернет худалдан авалт хийхээс айдаг болгоомжилдог (Digital Trade, 2018)” гэж гарчээ. Үүний шалтгаан нь хэрэглэгчид хангалттай хэмжээнд онлайн худалдан авалтад итгэдэггүй гэсэн үг юм. Иймд энэхүү үр дүнг дагаад онлайн худалдааны хөгжил монгол улсад удаашралтай байгаа тул SHOPPY.MN онлайн дэлгүүрийн үйлчлүүлэгч дээр тулгуурлан үйлчлүүлэгчдийн итгэлд нөлөөлөх судалгааг хийсэн болно. Судалгаагаар SHOPPY.MN-н үйлчлүүлэгчдийн итгэлд тухайн онлайн дэлгүүрийн нэр хүнд болон үйлчлүүлэгчийн хувийн мэдээллийн нууцлал нь хамгийн өндөр нөлөөтэй байсан бол дараагийн нөлөөлөгч хүчин зүйлсээр веб хуудасны чанар, хэрэглэгчийн аюулгүй байдал нөлөөлдөг болох нь тогтоогдсон юм.
