ТӨК-ийн дотоод хяналтын тогтолцоог сайжруулах нь

Abstract

Энэхүү судалгааны ажлаараа Төрийн өмчит компаниуд нь хөгжиж буй болон хөгжингүй орнуудын эдийн засагт чухал үүрэгтэй байдаг хэдий ч компанийн засаглал, түүний хамрах хүрээний бүрэлдэхүүн болох дотоод хяналт нь олон нийтэд нээлттэй компаниудаас хоцрогдсон байдаг. Дотоод хяналт нь тухайн байгууллагын дотоод дүрэм журмаар зохион байгуулагдах бөгөөд удирдлагад болзошгүй эрсдэлийн талаар мэдээлэх, байгууллагын үйл ажиллагаа хуульд нийцэж байгаа эсэхэд хяналт тавихаас гадна зальт ажиллагаа, алдаа дутагдал гарч байгаа шалтгаан, тэдгээрийг хэрхэн арилгах, дүрэм журмыг хэрхэн боловсронгуй болгох зэрэг асуудлаар санал дүгнэлт гаргах, аливаа болзошгүй эрсдэлээс хамгаалах бодлого, горимыг хэрэгжүүлэх ёстой. Монгол улсын Төрийн өмчит компаниуд нь нийгэм, эдийн засгийн чухал ач холбогдол бүхий салбаруудад голлох үүрэг гүйцэтгэн ажиллаж байгаа бөгөөд тус салбарын нэг болох Төмөр замын тээврийн салбарын компанийг сонгон авч дотоод хяналтын онол, арга зүй, Төмөр замын тээврийн салбар, түүний дотоод хяналтын өнөөгийн нөхцөл байдал болон хууль, эрх зүйн орчныг судлан үнэлж ажиглалт, анкет, асуулга, харьцуулалт, нэгтгэн дүгнэх, баримт шинжилгээний аргуудыг ашигласан болно. Судалгаанд хамрагдсан Төмөр замын тээврийн салбарын компаниудын өнөөгийн нөхцөл байдал болон сонгосон “Шинэ төмөр зам” ХХК-ийн дотоод хяналтын орчныг COSO загварын үнэлгээний арга дээр суурилсан асуулгаар хяналтын үйл ажиллагааг олон талаас нь шинжлэн, санал зөвлөмж боловсрууллаа.