Санамсаргүй хяналттай туршилтын аргазүй ба түүний хэрэглээ

Abstract

Эдийн засагчид болон бодлого боловсруулагчдын хувьд бодлогын үнэлгээ хийх, тухайн бодлогын нөлөөг гажуудалгүй тооцох нь асуудалтай бөгөөд чухал байдаг. Санамсаргүй хяналттай туршилтын арга нь бодлогын үнэлгээ хийх алтан стандарт болоод буй, өргөн хэрэглэгдэж эхлээд байгаа туршилтын аргазүй юм. Энэ аргазүйг ашиглан хийсэн судалгааны ажлуудаараа 3 эдийн засагч Нобелийн шагнал хүртсэн нь энэ аргазүйн ач холбогдлыг нэмэгдүүлсэн. Аргазүйн хувьд одоо ч гэсэн маргаантай бөгөөд энэ аргазүйг судалсан болоод ашигласан судалгааны ажлууд сүүлийн жилүүдэд нэмэгдэж байгаа. Тийм учраас санамсаргүй хяналттай туршилтын онол ухагдахуун, тавилуудыг судалж, эконометрикийн аргазүйтэй танилцаж, түүний хэрэглээг судалж, Монгол улсын богино хугацаатай хөдөлмөр сургалтын үр нөлөөг судалсан судалгааны ажил дээр ашиглахыг зорьсон. Шинжилгээний үр дүнд 2 аргаар нөлөөг тооцоход цалин, ажил эрхлэлтэд богино хугацаанд нөлөөтэй ба урт хугацаанд нөлөөгүй гэсэн үр дүн гарсан.